2. trinn

Skrevet av Gasta Design

Tema: Nettvett

Tema nettvett skal bidra til at elevane skal kome med forslag til korleis dei kan vere ein god venn, inkludere og vise respekt for kvarandre på nettet. Ved å lytte til elevane får vi eit innblikk i kva dei faktisk gjer på nettet, korleis dei opplev nettkontakt med medelevar og kva dei sjølv meiner skal til for å ha eit godt klassemiljø, enten i klasserommet, på fritidsaktivitetar eller på nettet.

Å lære elevar nettvett er viktig i arbeidet med å gje dei eit godt og trygt klassemiljø.

  • Etter 2. trinn

    Samfunnsfag

    • Samtale om moglegheiter og utfordringar ved digital samhandling

    • Samtale om vennskap og tilhøyrsle og kva som påverkar relasjoner

    Norsk

    • Samtale om og beskrive korleis ord vi bruker, kan påverke andre

    Etter 4. trinn

    KRLE

    • Setje seg inn i og formidle eigne og andre sine tankar, kjensler og erfaringar

  • Det viktigaste i førebyggande arbeid er at det føregår systematisk og over tid. Jamlege små drypp om nettvett og det å ta gode val på nett vil bidra til auka refleksjon og læring hos elevane. Arbeid over tid kan bidra til å styrke klassemiljøet og til å førebygge krenkingar og uheldige eller uønskte opplevingar på nett. Gode relasjonar og tryggleik i klasserommet er viktig slik at elevane kan seie ifrå viss krenkingar eller uheldige/ uønskte opplevingar likevel førekjem.

    I følgje Medietilsynet (Barn og Medier, 2022) har

    • 48 % av barn i alderen 1-5 år tilgang til nettbrett, 14 % til spillkonsoll og 5 % tilgang til PC.

    • Av barn med tilgang til nettbrett, byrja dei fleste (72 %) å bruke dette før dei fyller 3 år.

    • 93 % av alle barn mellom 9 og 11 år har eigen mobil

    • Halvparten av 9-åringane og 56 % av 10-åringane er på sosiale medium

    • 50 % av barn i alderen 13-19 år har sett skremmande eller valdelege bilete/filmar, som til dømes menneske som skadar andre menneske eller dyr, på nettet.

    Kripos viser til at mange barn og unge blir lurt på internett av vaksne som er seksuelt tiltrekt av barn. Dei vaksne tek i bruk chat, apper og spel. Ei av anbefalingane til Kripos er at det er viktig at barn og vaksne er opne og snakkar saman om god og trygg internettbruk.

    Unge som har kontakta politiet, fortel at dei ikkje har sagt i frå til nokon om det ubehagelege dei har opplevd på internett. Dei trur ai dei vaksne ikkje vil forstå situasjonen og vil nekte dei å bruke internett.

    Språkbruken mellom elevar og vaksne påverkar skulemiljøet, både når det gjeld trivsel, meistring og læring.

    I Redd Barna-rapporten «Ikke bare si at det kommer til å ordne seg», var elevane tydelege på at negative kommentarar og stygt språkbruk både frå barn og vaksne rundt dem, påverka klassemiljøet i stor grad.

    Førebyggande arbeid mot stygt språkbruk i elevgruppa må vere ein del av det systematiske og førebyggande arbeidet med å skape trygge og inkluderande klassemiljø, og ikkje vere kampanjestyrt gjennom einskilde tiltak med kort varighet.

    Elevane sitt språkbruk vert i stor grad påverka av medelevar på skulen, men og i svært stor grad av dei vaksne rundt dei både på skulen og i heimen, og av kva dei ser og høyrer på sosiale medium, spel og skjerm.

    Dette startar tidleg, og vi må derfor jobbe systematisk med språkbruk på alle trinn.

 
 
“Trives vi, kan vi glede oss til å gå på skolen”
— Forandringsfabrikken 2016
 

Forslag til ulike økter

Under finn de forslag til undervisningsmateriell for 2. trinn. Øvingane er tilpassa alder og utviklingsnivå, samstundes veit me at det er store variasjonar innad i ei klasse, eller frå 2. klasse det eine året til 2. klasse eit anna år. Gjer difor dei justeringane du meiner er naudsynt for at oppgåvene skal passe klassa di.

Gasta Design

Vi skaper lønnsame nettsider basert på Squarespace, og utviklar gjerne din visuelle identitet eller hjelper deg med digital markedsføring.

Forrige

1. trinn
Neste

3. trinn