«Livet i barneskulen» er eit fritt tilgjengeleg undervisningsopplegg i folkehelse og livsmeistring for barneskulen. Tema og undervisningsopplegg er forankra i læreplanverket.

Fellesskap, tryggleik, inkludering, leik, bygge lag, glede andre, ta gode val og gode klassemiljø er ord som beskriv noko av innhaldet for undervisningsopplegget.

Forsking viser at det er viktig med små drypp om tema gjennom heile skuleløpet for at elevane skal få eit best mogleg utbytte av undervisninga, noko ungdommen sjølv også har uttala at dei ønskjer.

Det er èit tema for kvar månad, og undervisningsmateriell for èin time i veka gjennom skuleåret. Ein kan følgje årshjulet slik det er satt opp her inne, eller velje tema og økter til når det passar for den einskilte klasse/skule.

Vi sett pris på tilbakemeldingar på kva som fungerer godt og på kva som kan bli gjort betre/annleis.