Yoga
Yoga består av ulike mentale og kroppslege øvingar og teknikkar mellom anna fysiske øvingar, mindfulness (merksamt nærvær) og pusteteknikkar. Yoga handlar om å ta kontroll over eige mentale og fysiske liv og skapa ro, konsentrasjon og fokus. Forsking har vist at Yoga for barn kan føra til auka konsentrasjon og minne, betre sjølv-regulering, auka sjølvtillit, auka kjensle av velvære, emosjonell balanse og fysisk form (Hagen, I., & Nayar, U. S, 2014).
Under finn du pusteøvingar, avspenningsteknikkar og fysiske yoga økter. Øktene kan brukast for å trena på fokus og konsentrasjon, for å gjera seg klar til ein time med fag eller vis elevane har behov for å kopla heilt av.
pusteøvingar
-
Varighet: 1-2 minutt
Sitt med rett rygg eller ligg på bakken og lukk auga. Sjå for deg at du har ein ballong i magen som du blåser opp med nasen. Pust inn og blås ballongen opp. Når du pustar ut, slepp du lufta sakte ut av ballongen. Pust inn og fyll ballongen heilt opp. Kjenn at magen bevegar seg utover. Slipp så luften sakte ut. Når du pustar ut kjenn at kroppen synker ned mot underlaget og at kroppen slapper heilt av. (Kort pause, la dei puste ein eller to gongar til). Fyll opp ballongen ein siste gong. Så slepp du lufta sakte ut, og opnar auga dine.
-
Varigheit: 1-2 minutt
Sitt med rett rygg. Lukk auga og hald langfingeren og peikefingeren i panna. Hald for høgre nasebore og pust inn med det venstre nasebore. Hald så for det venstre nasebore og pust ut gjennom det høgre nasebore. Gjer det gjerne saman med barna/elevane og sei "så held me for høgre nasebore og pustar inn med venstre, så held me for venstre nasebore og pustar ut med høgre." Hald på i 1-2minutt.
-
Varigheit: 1 minutt
Sjå for deg at du held eit levande lys i den eine handa, og ein blome i den andre. Hald hendene framfor deg. Bruk eitt langt pust til å langsamt blåse ut lyset i den eine handa til du er tom for luft, og snu deg og lukt på blomen i den andre handa med eitt langt pust. Gjenta dette 3 gongar.
Avspenning
Henta frå Pexels, Jan Krukov
-
I denne øvinga skal barna/elevane drive med visualisering. Ved å ha fokus på visualisering hjelper det barna/elevane til å vere her og no, og verkar avslappande. Det fører også til at ein styrkar dei kreative delane av hjernen og ein blir betre i kreativ tenking.
Førebuing: Barna/elevane kan anten sitje på ein stol og kvila hovudet i hendene/ pulten, eller liggja på bakken- helst med litt avstand så dei ikkje klarer å røra nokon andre.
Varigheit: 4-5 minutt
Ein varm sommardag (lydfil)
Ein varm sommardag (tekst) (ikkje komme endå)
-
I denne øvinga skal barna/elevane visualisera sitt lykkeland. Ved å ha fokus på visualisering hjelper det barna/elevane til å vere “her og no”, og verkar avslappande. Det fører også til at ein styrkar dei kreative delane av hjernen og ein blir betre i kreativ tenking.
Førebuing: Barna/elevane kan anten sitje på ein stol og kvila hovudet i hendene/ pulten, eller liggja på bakken- helst med litt avstand så dei ikkje klarer å røra nokon andre.
Varighet: 3-4 minutt
Ditt lykkeland (lydfil)
Ditt Lykkeland (tekst) (ikkje komme endå)
-
Kroppsskanning er ei øving der ein flyttar fokuset rundt til ulike delar av kroppen. Dette er ein god metode for få fokusera på “her og no”, og for å få hjernen og kroppen til å slappe av. Kroppsskanning kan føre til auka fokus og konsentrasjon, og redusera stress.
Førebuing: fungerer best om elevane ligg på bakken, helst med litt plass så dei ikkje rører nokon andre. Kan også sitje på ein stol med rett rygg eller med hovudet på pulten. Førebu elevane på at dei skal liggje/sitje stille i omlag 5 minutt.
Varigheit: 4-5 minutt
Kroppsskanning (lydfil)
Kroppsskanning (tekst) (ikkje komme endå)
-
Denne øvinga roar ned kroppen og hjelper oss med å vere til stades her og no. Dette gjer at vi klarer å fokusere betre og er difor ei fin øving å gjere i starten av ein skuletime eller dersom ein slit med å fokusere på ei oppgåve eller har mange tankar i hovudet samtidig.
Førebuing: denne øvinga passar best når elevane sit ved pultane sine.
Varigheit: 2-3 minutt
Fysiske yoga-økter
-
Passar best for 5-10.trinn
Utstyr: matte, ein skjerm å sjå på
Varigheit: 15 minutt
-
-
Passar best for barnehage-7.trinn
Ustyr: ein skjerm å sjå videoen på
Varigheit: 6 minutt